Atyraý oblysynda enesin pyshaqtap óltirgen kelinshek májbúrli emdeýge jiberiledi
ATYRAÝ. KAZINFORM — Atyraý oblysy Qyzylqoǵa aýdanynda 83 jastaǵy enesin óltirgen 40 jastaǵy áıel qylmystyq jaýaptylyqtan bosatyldy. Sot mundaı sheshimdi aıyptalýshynyń psıhıkalyq aýrýǵa shaldyǵýyna baılanysty qabyldady.
Іs materıaldaryna sáıkes, oqıǵa ótken jyldyń 27 mamyrynda shamamen saǵat 17:30–da bolǵan. Kúıeýi balalaryn dalaǵa alyp ketken sátte áıel tósek tartyp jatqan enesine pyshaqpen shabýyl jasaǵan.
Atyraý oblysynyń qylmystyq ister jónindegi mamandandyrylǵan aýdanaralyq sotynyń sýdıasy Zarema Hamıdýllına sottalýshy jábirlenýshiniń basyna bes márte pyshaq suqqanyn aıtty. Onyń ekeýi bas súıegine kirip, mıyna zaqym keltirgen. Alǵan jaraqat saldarynan keıýana aýrýhanada qaıtys boldy.
Júrgizilgen birneshe saraptama qorytyndysyna sáıkes, áıel qylmysty esi durys emes kúıde jasaǵan. Oǵan «paranoıdty shızofrenııa» dıagnozy qoıylǵan. Osyǵan baılanysty ol Qazaqstan Respýblıkasy Qylmystyq kodeksiniń 99-baby 2-bóligi 3-tarmaǵynda kózdelgen qylmystyq quqyqbuzýshylyqty esi durys emes jaǵdaıda jasaǵan dep tanylyp, qylmystyq jaýaptylyqtan bosatyldy. Qaıǵyly oqıǵanyń bolýyna otbasyndaǵy kelispeýshilik sebep bolǵan. Anyǵyn aıtqanda, 2025 jyldyń 10 mamyrynda azamat óziniń tósek tartyp jatyrǵan qart anasyn Jasqaırat aýylyna kútim jasaý úshin alyp kelgen. Onyń áıeli buǵan qarsy bolyp, arty janjalǵa ulasqan.
— Jaqsylyqovanyń ata-anasy, baýyrlary, birge turatyn jubaıy men qaıyn apalary da psıhıkalyq aýrýy bar eken baıqamadyq dedi. Solaı aıta tura «aýyr minez kórsetedi, ózimen ózi aıqaılaıdy, kenetten kóterilip ketedi, balalarǵa qol kóteredi, úı tazalaǵyna salǵyrt qaraıdy, áıel adamnyń mindetterin atqarmaıdy» degen ýájder aıty. Qarııasy bar úı — qazynaly. Jalpy dármensiz kúıge túsken ata-anany baǵyp-qaǵý perzenttik mindetimiz. Biz bala kúnimizde dármensiz bolyp ata-anaǵa qaraıtyn bolsaq, ata-ana úlkeıgen kezde dármensiz bolyp, balaǵa qaraıdy. 83 jasqa kelip kelinniń qolynan qaza tabý orny tolmaıtyn qaıǵy, — dedi sýdıa Zarema Hamıdýllına.
Úkim zańdy kúshine engennen keıin áıel Almaty oblysyndaǵy mamandandyrylǵan úlgidegi psıhıatrııalyq statsıonarǵa májbúrlep emdeýge jiberiledi. Buǵan deıin ol Atyraýdaǵy medıtsınalyq uıymda bolǵan.
Buǵan deıin Atyraý oblystyq sotynyń qylmystyq ister jónindegi sot alqasy ıAna Legkodımovany óltirgender Rızýan Qaıyrjanov pen Altynbek Katımovtyń apellıatsııalyq shaǵymyn qarap, úkimdi ózgerissiz qaldyrǵanyn jazǵan edik.