Atyraý oblysynda eki kompanııa memleket ıeligindegi jerdi zańsyz basyp alǵan
ATYRAÝ. KAZINFORM – Atyraý oblysynda eki kompanııanyń memleket ıeligindegi jerdi zańsyz basyp alǵany anyqtalǵan. Al bir kompanııa topyraqtyń qunarly qabatyn sydyryp alǵan.
Atyraý oblystyq Jer resýrstaryn basqarý departamentinen málim etkendeı, Qyzylqoǵa aýdanyndaǵy Saǵyz aýylynyń mańaıynda jospardan tys tekserý júrgizilgen.
«Tekserý kezinde «A» JShS-niń topyraqtyń qunarly qabatyn zańsyz sydyryp alyp, joıýǵa qatysty derek anyqtaldy. Osyǵan baılanysty QR Ákimshilik quqyq buzýshylyq týraly kodeksiniń 337-babynyń 1-bóligimen «A» JShS-ǵa 3 mln 692 myń teńge kóleminde aıyppul salyndy. Seriktestikke jer zańdylyǵynyń talabyn buzý deregin joıý týraly nuqaý berildi. Bul nusqaý mindetti túrde oryndalýǵa tıis», - dep habarlady óńirlik departamentten.
Sondaı-aq, quqyq belgileıtin qujattarsyz memleket ıeligindegi jerdi zańsyz basyp alý faktileri anyqtalyp otyr. Osy derekke qatysty «C» jáne «A» JShS-ǵa QR Ákimshilik quqyq buzýshylyq týraly kodeksiniń 136-babyna sáıkes ákimshilik ister qozǵalǵan. Atalǵan seriktestikterden jalpy somasy 369 myń teńgeden asatyn aıyppul óndirildi.
Eske sala ketelik, buǵan deıin Atyraýda munaı kompanııasy memleketke 673,1 mln zalal keltirgenin habarlaǵan bolatynbyz.
