Atyraý oblysynda dárigerler 13 óndiristik jaraqat deregin jasyryp kelgen

ATYRAÝ. KAZINFORM – Atyraý oblysyndaǵy Maqat aýdandyq aýrýhanasynyń dárigerleri 13 óndiristik jaraqat deregin jasyryp kelgen.

Atyraý oblystyq prokýratýrasynyń málimetinshe, eńbek qaýipsizdigi salasyna prokýrorlyq tekserý kezinde anyqtalyp otyr. 

«Medıtsınalyq uıymnyń qyzmetkerleri 13 óndiristik jaraqat faktisi jasyrǵan. Atalǵan faktiler boıynsha jumys berýshiniń kinásiniń dárejesin anyqtaý úshin mindetti tergeýler qamtamasyz etilmegen. Óz kezeginde jábirlenýshiler ózderine tıesili ótemaqy alý quqyǵynan aıryldy. Prokýrorlyq qadaǵalaý aktisi nátıjesinde Maqat aýdandyq aýrýhanasy QR Ákimshilik quqyq buzýshylyq týraly kodeksiniń 96-babynyń 1-bóligimen (Eńbek qyzmetine baılanysty jazataıym oqıǵa faktisi týraly habarlamaý) ákimshilik jaýapkershilikke tartyldy», - dep habarlady oblystyq prokýratýradan.

Eske sala ketelik, buǵan deıin Atyraý oblysynda 38 mln teńgeniń múlki memleketke qaıtarylǵanyn habarlaǵan bolatynbyz. 

Mahambet aýdandyq prokýratýrasy Beıbarys aýyldyq okrýgi ákiminiń «Pervomaıskıı» JShS-ǵa pontonǵa ornatylǵan sý nasosy stansasyn tender ótkizbeı, senimgerlikke bergenin anyqtady. Osyǵan baılanysty okrýg ákimi men esepshisi tártiptik jaýapkershilikke tartyldy.

Sondaı-aq, Atyraýdaǵy munaı kompanııasyna 13,6 mlrd teńge aıyppul salynǵanyn jazǵan edik. 

«Kaspıı neft» AQ-nyń 2021-2022 jyldary burǵylaý jáne ken ornyn paıdalaný kezinde 4500 tonnadan astam qaýipti qaldyqtarǵa jınaqtalý lımıtin almaǵan. Prokýrordyń usynysymen Atyraý oblystyq soty sot alqasynyń 2 shildedegi qaýlysymen «Kaspıı neft» AQ-ǵa QR Ákimshilik quqyq buzýshylyq týraly kodeksiniń 328-babymen 13 684 868 730 teńge aıyppul salyndy.