Atyraýda birden úsh respýblıkalyq jol jabyldy — «QazAvtoJol»
ASTANA. KAZINFORM — Búgin aýa raıynyń buzylýyna baılanysty Atyraý oblysynda birqatar jol ýchaskesinde kólik qozǵalysy shekteldi, dep habarlaıdy «QazAvtoJol» UK.
2025 jylǵy 14 qańtar saǵat aýa raıynyń buzylýyna baılanysty Atyraý oblysynda kelesi joldarǵa shekteý qoıyldy:
— Saǵat 21:50–de Aqtóbe-Qandyaǵash-Dossor-Atyraý-RF shekarasy avtojolynyń 517-603 shaqyrym aralyǵyndaǵy ýchaskesinde (Dossor aýyly — Atyraý q.) kóliktiń barlyq túriniń qozǵalysyna shekteý qoıyldy.
— Saǵat 22:30–da Aqtóbe-Qandyaǵash-Dossor-Atyraý-RF shekarasy avtojolynyń 337-517 shaqyrym aralyǵyndaǵy ýchaskesinde (Aqtóbe oblysynyń shekarasynan-Dossor a. deıin) kóliktiń barlyq túriniń qozǵalysyna shekteý qoıyldy.
— Saǵat 23:00–da Dossor-Qulsary-Beıneý-Saıótes-Shetpe-Jetibaı-Aqtaý shekarasy avtojolynyń 3-119 shaqyrym aralyǵyndaǵy ýchaskesinde (Dossor aýyly-Qulsary q.) kóliktiń barlyq túriniń qozǵalysyna shekteý qoıyldy.
Úsh jol ýchaskesin 2025 jylǵy 15 qańtar saǵat 00:00–de ashý josparlanǵan.
Buǵan deıin habarlanǵandaı, «QazAvtoJol» joldyń taıǵaqtyǵyna shaǵymdanǵan júrgizýshilerge jaýap berdi.