Atyraý oblysynda bir aýyldyń 2 jasóspirimi Jaıyqqa batyp ketti

ATYRAÝ. KAZINFORM — Atyraý oblysyndaǵy Mahambet aýdanynda bir aýylda turatyn 2 jasóspirim Jaıyq ózenine batyp ketti. Olar sý aıdynynyń ruqsat etilmegen tusyna shomylǵan. 

Atyraý oblystyq tótenshe jaǵdaılar departamentiniń ımıdjdik jumys jáne syrtqy kommýnıkatsııalar toby rastaǵan aqparatqa qaraǵanda, qaıǵyly oqıǵa 7 shildede saǵat 21:00 shamasynda bolǵan.

— Mahambet aýdanynyń Sarytoǵaı aýylynda sýǵa batqan jasóspirimderdi izdeý 7 shildede saǵat 23:12–de bastaldy. Іzdeý jumysyna oblystyq tótenshe jaǵdaılar departamentinen jedel-qutqarý jasaǵy men polıtsııa departamentiniń qyzmetkerleri, jergilikti turǵyndar tartyldy, — dep habarlady departamenttiń ımıdjdik jumys jáne syrtqy kommýnıkatsııalar toby.

Sýǵa batqan jasóspirimder 2011 jyly týǵan. Onyń biri keshe, 8 shildede túsqaıta oqıǵa ornynan 35 shaqyrym qashyqtan tabylǵan. Al, ekinshiniń súıegi keshki mezgilde Jaıyq ózeninen shyǵarylǵan.

— Atyraý oblysynyń turǵyndary men qonaqtaryna sýdaǵy qaýipsizdik erejelerin qatań saqtaýdy eskertemiz. Kámeletke tolmaǵan balalardy qaraýsyz qaldyrmaǵan jón, — málim etti departamenttiń ımıdjdik jumys jáne syrtqy kommýnıkatsııalar tobynan.

Eske sala ketelik, buryn Atyraý oblysynda shomylý maýsymy qashan ashylatyny belgisiz ekenin habarlaǵan bolatynbyz.

Keıin Atyraýda Jaıyq ózenine batyp bara jatqan áıel qutqarylǵanyn jazǵan edik.