Atyraý oblysynda bir aptada jol apatynan 6 adam mert boldy

ATYRAÝ. KAZINFORM – Atyraý oblysynda bir aptada jol apatynan 6 adam qaıtys boldy. Atyraý oblystyq polıtsııa departamenti baspasóz málimetine súıensek, ótken aptada 7 jol-kólik oqıǵasy tirkelgen.

«Bir aptada 7 jol apatynyń saldarynan 6 adam mert boldy. Al, 3 adam aýyr jaraqat aldy. Máselen, 16 mamyrda Atyraý-Aqtóbe-Astrahan tas jolynyń 795-shaqyrymy tusynda 1987 jylǵy júrgizýshisi Lexus avtokóliginiń basqarý júıesin ıgere almaı, jol jıegine aýdaryldy. Kóliktiń birneshe ret domalaýynan 3 adam qaza taýyp, 2 adam túrli jaraqat aldy. Al, 18 mamyr kúni dál osy joldyń 571-shaqyrymynda 61 jastaǵy júrgizýshisi Tank-500 avtokóligimen joldyń jaıaý ótýge arnalmaǵan tusynan júrginshini qaǵyp ketti. Jaıaý júrginshi oqıǵa ornynda kóz jumdy. Sol kúni Inder aýdanynyń Bódene aýylynda 16 jasar jasóspirim motokólikpen 2016 jylǵy jasóspirimdi qaǵyp, mert qyldy. Inderbor kentinde 19 mamyrda 37 jastaǵy jigit motokóliktiń basqarý júıesin ıgere almaı, oqıǵa ornynda qaza boldy», - dep habarlady departamenttiń baspasóz qyzmeti.

Eske sala ketelik, buǵan deıin Atyraý oblysynda moped qaqqan jasóspirim aýrýhanada qaıtys bolǵanyn jazǵan edik.