Atyraý oblysynda boryshkerlerden sottan tys bankrottyqqa 2 232 ótinish tústi

Atyraý oblysynda 16 qazanǵa deıin boryshkerlerden sottan tys bankrottyqqa boryshkerlerden 2 232 ótinish túsken. Onyń ishinde 393 ótinish qanaǵattandyrylǵan, dep habarlaıdy Kazinform.

Atyraý oblystyq Memlekettik kirister departamenti ońaltý jáne bankrottyq bóliminiń basshysy Elvıra Ýngarovanyń málimetinshe, 1 839 ótinish qanaǵattanarlyq dárejede qaralmaǵan.

"Jeke tulǵalardyń bankrottyǵy týraly zań úsh túrli rásimdi qarastyrady. Bul – sottan tys bankrottyq, sot bankrottyǵy jáne tólem qabilettiligin qalpyna keltirý. Barlyq úsh rásimdi de tek boryshker ǵana bastaı alady. Biraq, nesıe berýshi nemese ózge kredıtor boryshkerge qatysty bul rásimderdi qoldanýǵa quqyǵy joq. Memlekettik kirister departamentine túsken 2 232 ótinishtiń 393-i qaraldy. Osy kezge deıin 142 ótinishtiń ıesi bankrot dep tanylyp otyr. Al, 288 boryshkerge alǵashqy qarjylyq monıtorıng júrgizildi. Boryshkerdiń kredıtorlar aldyndaǵy mindettemelerin oryndaýdan jaltarý belgileriniń joqtyǵy týraly 283 anyqtama jasaqtaldy. Qazir 5 boryshkerge taldaý jumystary júrgizilip jatyr. Ekinshi qarjylyq monıtorıng qorytyndysymen 193 boryshkerdiń kredıtorlar aldyndaǵy mindettemelerin oryndaýdan jaltarý belgileriniń joqtyǵy 191 anyqtaldy", - dedi Elvıra Ýngarova.

Onyń aıtýynsha, qaryzy 1600 AEK nemese 5 mln teńgeden asqan azamattar sot bankrottyǵyn qoldana alady. Bul rásim kezinde boryshkerdiń múlki satylady. Túsken qarajat belgilengen tártippen kredıtorlar aldyndaǵy qaryzdardy óteýge jumsalady.

– Zań jobasynda bankrottyqtan keıin azamat 5 jyl boıy qaryz, nesıe rásimdeı almaıdy. Onyń qarjylyq jaǵdaıyna 3 jyl monıtorıng júrgiziledi. Ol 7 jyldan keıin ǵana bankrottyqqa qaıta júginý quqyǵyna ıe bolady, - dep málim etti Elvıra Ýngarova.

Eske sala ketelik, buǵan deıin 1 546 atyraýlyqtyń ózin bankrot dep tanýǵa bergen ótinishinen bas tartylǵanyn jazǵan edik.