Atyraý oblysynda byltyr joǵalyp ketken er adam Jaıyq ózeninen tabyldy

ATYRAÝ. KAZINFORM – Atyraý oblysynda byltyr er adam iz-túzsiz joǵalyp ketken edi. Al keshe onyń múrdesi Jaıyq ózeninen shyǵaryldy.

Atyraý oblystyq polıtsııa departamentiniń baspasóz qyzmeti rastaǵan derekke qaraǵanda, er adamnyń byltyrǵy tamyz aıynda joǵalǵany anyqtalǵan.

– Keshe, 7 qańtarda jergilikti turǵyn Jaıyq ózeniniń Inder aýdanynyń Eltaı aýylyndaǵy tusynda avtokóliktiń dóńgelegin baıqaǵan. Ol bul derekti tıisti organdarǵa habarlaǵan. Avtokólikti ózennen shyǵarǵan kezde salonynan 1971 jyly týǵan er adamnyń múrdesi tabyldy. Onyń 2024 jyldyń tamyz aıynda iz-tússiz joǵalǵan er adam ekeni anyqtaldy, -dep habarlady departamenttiń baspasóz qyzmeti.

Qazir atalǵan derekke baılanysty tıisti saraptamalar taǵaıyndalǵan. Oqıǵanyń mán-jáıi tekserilip jatyr.

Eske sala ketelik, buǵan deıin Atyraý polıtseıleri byltyr ózendegi muz astyna qulaǵan 12 adamdy qutqarǵanyn habarlaǵan bolatynbyz.