Atyraý oblysynda byltyr 97 boryshker ákimshilik qamaýǵa alynǵan

ATYRAÝ. KAZINFORM — Byltyr Atyraý oblysynda 369 boryshker ákimshilik jaýapqa tartyldy. Onyń ishinde 97 boryshker ákimshilik qamaýǵa alynyp, 272-sine aıyppul salynǵan.

Atyraý oblystyq ádilet departamentiniń basshysy Asýlan Karımovtyń aıtýynsha, 87 jeke sot oryndaýshysy tirkelgen. Onyń ishinde 58 sot oryndaýshysy Atyraý qalasynda, 29-y jeti aýdanda jumys isteıdi.

«Ádilet departamentiniń eń aýqymdy qyzmetiniń biri - atqarýshylyq óndiristi qamtamasyz etý. Ótken jyly atqarýshylyq is júrgizý boıynsha jalpy somasy 225 mlrd teńgeni quraıtyn 253 066 qujat oryndalýǵa tústi. Onyń ishinde 88 mlrd teńgeniń 155 884 qujatyna is júrgizý aıaqtaldy. Sondaı-aq, 21 mlrd teńgeni quraǵan 95 068 qujat boıynsha atqarýshylyq óndiris oryndaldy. Sot oryndaýshylary 31 341 atqarýshylyq qujatqa baılanysty májbúrli túrde oryndatý jolymen memleket paıdasyna 8 mlrd teńgeni óndirdi», -dep habarlady Asýlan Karımov.

Onyń málimetinshe, byltyrǵy kórsetkishpen salystyrǵanda memleket paıdasyna qarjy óndirý boıynsha 26 myń qujat artyq túsken.