Atyraý oblysynda byltyr 2253 áıel túsik jasatqan
ATYRAÝ. KAZINFORM — Atyraý oblysynda sońǵy úsh jylda túsik jasatqan áıelder sany artqan. Byltyr 2253 áıel osyndaı qadamǵa barǵan.
Atyraý oblystyq perınataldyq ortalyqtyń dırektory Qazbek Ermaǵambetovtiń aıtýynsha, buǵan áleýmettik jáne densaýlyqtaǵy kinárat sebep bolýy múmkin. Nekesiz júktilik te osynda qadamǵa barýǵa májbúr etedi.
«Máselen, 2021 jyly – 1951, 2022 jyly – 1815, al, byltyr 2253 áıel jasandy túsik jasatýńa sheshim qabyldady. Al, 18 jasqa deıingi jasóspirimder arasynda túsik jasatý deregi 2,5 esege azaıdy. Statıstıkalyq málimetke sáıkes, 2021 jyly — 13, 2022 jyly — 14, ótken jyly 5 jasóspirim túsik jasatty», -deıdi Qazbek Ermaǵambetov.
Onyń pikirinshe, mektepte kámeletke tolmaǵandar arasynda erte júktilikke qarsy túsindirý jumysynyń mańyzy zor.
«Áıel úshin júktilik, ómirge bala ákelý — úlken oqıǵa. Sol sebepten, biz qyzdarymyzdy erte júktilikten, túsik jasatýdyń yqtımal saldarynan qorǵaýymyz qajet. Óıtkeni, áıel túsik jasatqannan keıin kúızeliske ushyraıdy. Bul demografııaǵa keri áser etedi», -deıdi Qazbek Ermaǵambetov.
Eske sala ketelik, budan buryn «Ańsaǵan sábı» baǵdarlamasymen bıyl atyraýlyq analarǵa 232 kvota bólingenin habarlaǵan bolatynbyz.
