Atyraý oblysynda byltyr 15-17 jastaǵy 127 jasóspirim júkti bolyp qalǵan

ATYRAÝ. KAZINFORM – Atyraý oblysynda byltyr 15-17 jastaǵy 127 jasóspirimniń júkti bolǵany anyqtalyp otyr. Bul 2020 jylǵy kórsetkishten 35 paıyzǵa azaıǵan.  

Atyraý oblystyq densaýlyq saqtaý basqarmasy baspasóz qyzmetiniń málimetinshe, 2020 jyly jasóspirimder arasyndaǵy júktiliktiń 193 deregi tirkelgen.

– Atyraý oblysynda jasóspirimderdiń reprodýktıvti saýlyǵyn nyǵaıtý baǵytynda keshendi baǵdarlama júzege asyrylyp jatyr. Atalǵan baǵdarlamaǵa sáıkes jasóspirimder arasyndaǵy erte júktiliktiń aldyn alý, kórsetkishin tómendetý kózdeldi. Basty maqsat – jasóspirimderdiń medıtsınalyq jáne psıhologııalyq kómek alýyna qoldaý kórsetý, - dep habarlady basqarmanyń baspasóz qyzmeti. 

Munaıly óńirde 2023 jyly jastar saýlyǵy ortalyǵy ashylǵan. Ortalyqta jasóspirimderge medıtsınalyq jáne psıhologııalyq keńes beriledi. 

– Erte júktiliktiń aldyn alý sharalaryn kúsheıtý maqsatynda jastarǵa túsindirý jumysy qolǵa alyndy. Olarǵa kómek kórsetetin balalar gınekology men reprodýktolog taǵaıyndaldy. Dárigerler men psıhologter jasóspirimderge arnalǵan semınarlar men «dóńgelek ústel» uıymdastyryp, erte júktiliktiń saldary jóninde keńes berip keledi, - dep málim etti basqarmanyń baspasóz qyzmeti. 

Eske sala ketelik, budan buryn Atyraýda 15 jasar qyzǵa zábir kórsetken kúıeýi 2,5 jylǵa sottalǵanyn jazǵan edik.