Atyraý oblysynyń bilim berý mekemelerinde sabaq oflaın formatta jalǵasady

ATYRAÝ. KAZINFORM – Búgin Atyraý oblysynda tabıǵı sıpattaǵy tótenshe jaǵdaı jarııalandy. Biraq, óńirdiń bilim berý mekemelerinde sabaq oflaın formatta jalǵasady.

Atyraý oblystyq jedel shtabtyń málimetinshe, mektepterdegi sabaq toqtatylmaıdy.

«Búgin, 7 sáýirde Atyraý oblysynyń aýmaǵynda tabıǵı sıpattaǵy tótenshe jaǵdaı jarııalandy. Alaıda, mektepterde, balabaqshalarda sabaq oflaın formatta jalǵasady. Kolledj, ýnıversıtetter boıynsha tıisti sheshimder qabyldanady», - dep málim etti oblystyq jedel shtabtan.

Eske sala ketelik, buǵan deıin Atyraý oblysynda tótenshe jaǵdaı jarııalanǵan bolatyn.  

«Atyraý oblysynyń aýmaǵynda tabıǵı sıpattaǵy tótenshe jaǵdaı jarııalansyn. Oblys ákiminiń jetekshilik etetin orynbasary tabıǵı sıpattaǵy tótenshe jaǵdaıdy joıý basshysy bolyp taǵaıyndalsy. Oǵan tabıǵı sıpattaǵy tótenshe jaǵdaıdy joıýǵa baǵyttalǵan is-sharalardy júrgizý tapsyrylsyn», - delingen oblys ákiminiń sheshiminde. 

Sonymen qatar budan buryn Atyraý oblysynda evakýatsııalaý úshin 15 myń oryn daıyndalǵanyn jazǵan edik.

Tasqyn sý qaýpi Qulsary qalasynyń 7 shaǵyn aýdanyna tónip turǵanyn habarlaǵan bolatynbyz.

«Teńiz» kenishindegi vahtalyq qalashyqqa 6,5 myńnan astam adam evakýatsııalandy.