Atyraý oblysynda balalaryna alıment tólemegen boryshkerler qamaýǵa alyndy
ATYRAÝ. KAZINFORM – Atyraý oblysynda balalary úshin alıment tólemeı júrgen eki boryshkerdiń isi sotta qaraldy. Sot qaýlysymen boryshkerler qamaýǵa alyndy.
Qyzylqoǵa aýdandyq sotynyń aqparatyna súıensek, boryshkerler QR Ákimshilik quqyq buzýshylyq týraly kodeksiniń 669-babynyń 1-bóliginiń talabyn buzǵan.
«Boryshkerler kámeletke tolmaǵan balalaryn asyrap-baǵý úshin aılyq tabysynyń jáne ózge de kirisiniń tıisti mólsherinen alıment óndirý týraly sot buıryǵyn oryndamaǵany anyqtaldy. Sot otyrysynda quqyq buzýshylar óz kinásin moıyndap, jumysqa ornalasýǵa jáne balalaryn asyrap-baǵý úshin alıment tóleýge ýáde berdi. Sot qaýlylarymen quqyq buzýshylar QR Ákimshilik quqyq buzýshylyq týraly kodeksiniń 669-babynyń 1-bóligimen kináli dep tanyldy. Quqyq buzǵan boryshkerdiń árqaısysyna 3 táýlik merzimge ákimshilik qamaqqa alyndy», -dep habarlady aýdandyq sottan.
Sot qaýlylary zańdy kúshine endi.
Eske sala ketelik, buǵan deıin Atyraý oblysynda 48 boryshker áıel balalaryna alıment tólemegenin jazǵan bolatynbyz.
