Atyraý oblysynda afrıkalyq jaıynnyń shabaǵy ósirilip jatyr
ATYRAÝ. KAZINFORM – Atyraý oblysynda afrıkalyq jaıynnyń shabaǵyn ósirý qolǵa alyndy. Maýsym aıynan beri sý toǵanynda 10 tonna balyq ósirilgen.
Qurmanǵazy aýdany ákiminiń orynbasary Qaırat Bólekovtyń aıtýynsha, mundaı kórsetkish sońǵy 30 jylda bolmaǵan.
«Sý toǵanynda balyq ósiretin sharýashylyqtarǵa qoldaý kórsetip, aýdan ortalyǵynda balyq ónimderin satatyn oryn ashýdy josparlap otyrmyz. Qazir Atyraý men Astrahan oblystary arasynda ózara memorandým jasalǵan. Ónimder Astrahan qalasyna kedergisiz ótedi», -deıdi Qaırat Bólekov.
Onyń aıtýyna qaraǵanda, afrıkalyq jaıyn shabaǵyn «Abdýlov.B» sharýa qojalyǵy sý toǵanynda ósirýdi qolǵa alǵan.
«Bıyl maýsymda Aqtaý qalasynan 25 gramdyq afrıkalyq klarıelik jaıyn shabaqtaryn ákelip, eki toǵanǵa jiberdik. Shabaqtyń salmaǵyn 700-1200 gramǵa deıin jetkizip, aǵyn sý boıyndaǵy torǵa saldyq. Munda birneshe kún saqtap, tsehta qatyramyz. Balyq torlarynyń eni men uzyndyǵy – 5 metr, tereńdigi – 2,5 metr. Aldaǵy ýaqytta 20 tonna balyq shyǵarýdy qolǵa alamyz», -deıdi sharýa qojalyǵynyń jetekshisi Bolat Abdýlov.
Sharýanyń málimetine súıensek, afrıkalyq klarıelik jaıynnyń salmaǵy 3-ten 5 kelige deıin tartady. Dámi taýyq etine uqsaıtyn balyqtyń bul túrine suranys kóp.
Eske sala ketelik, buǵan deıin Atyraý oblysynda maýsym aıynan beri 89,4 mln balyq shabaǵy qutqarylǵanyn habarlaǵan edik.
