Atyraý oblysynda 92 myń gektar jer telimi memleket menshigine qaıtarylǵan

ATYRAÝ. KAZINFORM – Atyraý oblysynda aýyl sharýashylyǵy maqsatynda berilip, osy kezge deıin paıdalanylmaǵan 92 myń gektar jeri telimi anyqtaldy. Bos jatqan jer telimi memleket menshigine qaıtaryldy.

Atyraý oblystyq aýyl sharýashylyǵy jáne jer qatynastary basqarmasy basshysynyń orynbasary Álibek Ermekqalıdiń aıtýynsha, kózdelgen maqsatyna paıdalanylmaǵan 77 jer telimi anyqtalǵan. 

«Bıyl QR Jer Kodeksine tıisti ózgertýler engizildi. Soǵan sáıkes jer teliminiń 50 paıyzy paıdalanylmaǵany anyqtalsa, memleket menshigine qaıtarylýy tıis. Osyǵan baılanysty Atyraý oblysynda maqsatyna sáıkes paıdalanylmaǵan, merzimi ótken bos jer telimderine ǵaryshtyq monıtorıng júrgizildi. Osyndaı mrnıtorıngtiń nátıjesinde 2022-2023 jyldary jalpy aýdany 400 myń gektardan asa jer telimderi memleket menshigine qaıtarylǵan edi. Al, 92 gektardy quraıtyn 77 jer telimi memleke menshigine qaıtarylyp otyr. Qazir monıtorıngtik top merzimi jer ıelenýshilerge merzimi ótken, paıdanalymaǵan bos jer telimderin óz erkimen qaıtarýdy túsindirý jumysyn júrgizip jatyr», -dep habarlady Álibek Ermekqalı.

Onyń aıtýynsha, bıyl Atyraý oblysynda 94 jer ýchaskesi konkýrs arqyly qaıtadan jer paıdalanýshylarǵa berilgen. 

Eske sala ketelik, buǵan deıin Atyraý oblysynda 22 myń gektar jer ýchaskesi memleket menshigine qaıtarylǵanyn jazǵan bolatynbyz.