Atyraý oblysynda 85 laýazymdy tulǵaǵa 14,5 mln teńge aıyppul salynǵan

ATYRAÝ. KAZINFORM – Atyraý oblysynda jyl basynan beri aýdıtorlyq tekserýdiń qorytyndysymen 85 laýazymdy tulǵa ákimshilik jaýapkershilikke tartyldy. Olarǵa salynǵan aıyppul kólemi 14 mln teńgeden asqan. 

Atyraý oblystyq tekserý komıssııasynyń tóraǵasy Nurbol Qonysovtyń deregine qaraǵanda, ýákiletti organdarǵa shara alý úshin joldanǵan aýdıt materıaldary negizinde 164 ákimshilik is qozǵalǵan.

«Ótken jyldyń 9 aıynda 24 ákimshilik is qozǵalyp, 19 laýazymdy tulǵaǵa 1 mln 640 myń teńge ákimshilik aıyppul salynǵan edi. Al, bıylǵy osy kezeńde 85 laýazymdy tulǵaǵa jalpy somasy 14 mln 588 myń teńgeniń ákimshilik aıyppul salynyp otyr. Bıýdjet qarajatyn tıimsiz josparlaý nemese tıimsiz paıdalaný boıynsha 7 laýazymdy tulǵaǵa ákimshilik quqyq buzýshylyq týraly hattama toltyryldy. Іs qujattary sotqa joldandy. Sot sheshimimen 2 laýazymdy tulǵaǵa 483 myń teńgeniń aıyppuly salyndy. Quqyq buzýshynyń 2-ýine eskertý berildi. Al, 3 laýazymdy tulǵa qatysty is sotta qaralyp jatyr», - dep málim etti Nurbol Qonysov.

Eske sala ketelik, Atyraýda bıýdjettiń 573 mln teńgesin jymqyrǵan bas esepshi 8 jylǵa sottalǵanyn jazǵan bolatynbyz.

Sondaı-aq, Atyraýda birneshe ret para alǵan ınspektsııa basshysy 7,5 jylǵa sottalǵanyn habarlaǵan edik.