Atyraý oblysynda 84 kıik ólgen, biraq eti satylyp jatqan joq

ATYRAÝ. KAZINFORM –  Atyraý oblysynyń Qurmanǵazy aýdanynda qazan aıynan beri 84 kıik ólgen. Biraq kıiktiń eti satylyp jatqany týraly jalǵan aqparat taraǵan. 

Qurmanǵazy aýdany ákimdiginiń málimetine súıensek, Azǵyr jáne Súıindik aýyldyq okrýginiń aýmaǵynda kıiktiń ólgeni qazan aıynda anyqtalǵan. Sol kezden beri aýyrǵan kıikterden qan synamasy, ólekselerdiń ishki organdarynan patalogııalyq materıaldar alynyp, Aýyl sharýashylyǵy mınıstrligi veterınarııalyq baqylaý jáne qadaǵalaý komıtetiniń «Veterınarııa boıynsha ulttyq referenttik ortalyǵy» RMK-nyń zerthanasyna jiberilgen.

– Júrgizilgen saraptamanyń qorytyndysy pasterellez aýrýyna oń nátıje bergen. Osyǵan baılanysty dalalyqta ólip jatqan kıikterdiń ólekselerin jınaýǵa jáne oryndaryn zalasyzdandyrý jumystaryn uıymdastyrýǵa «Ohotzooprom» ÓB» RMQK-ǵa hat joldandy. Qarasha aıynda atalǵan mekemeniń men Qurmanǵazy aýdandyq veterınarııa stansasynyń mamandary eki ret reıdttik shara uıymdastyryp, Súıindik, Azǵyr aýyldyq okrýgteriniń aýmaǵynda ólgen 84 kıkitiń ólekselerin jınap, joıý jumysyn júrgizdi. Áleýmettik jelide, chattarda «Ólgen kıiktiń eti satylyp jatyr» degen aqparat jalǵan ekenin málim etemiz. Jergilikti quqyq qorǵaý organdarynda mundaı derek tirkelmegen, - dep málim etti aýdandyq ákimdikten. 

Qazir atalǵan másele Qurmanǵazy aýdany ákimdiginiń baqylaýyna alynǵan.

Eske sala ketelik, buǵan deıin Atyraýda kıik aýlaǵandardan 335 múıiz tárkilenip, 283 mln teńge aıyppul óndirilgenin