Atyraý oblysynda 8 jyl buryn bastalǵan mádenıet úıiniń qurylysy áli bitpeı tur

ATYRAÝ. KAZINFORM – Atyraý oblysyndaǵy Sarytoǵaı aýylynda 8 jyl buryn mádenıet úıiniń bastalǵan edi. Sodan beri nysan qurylysy áli bitpeı tur.

Sybaılas jemqorlyqqa qarsy is-qımyl agenttiginiń Atyraý oblystyq departamenti baspasóz qyzmetiniń málimetinshe, jemqorlyq táýekelderiniń kartasyna 8 qurylys nysany engizilgen. 

– Tapsyrý merzimi buzylǵan jáne jymqyrý qaýpi bar 8 qurylys nysany baqylaýǵa alyndy. Osyndaı nysannyń biri – Mahambet aýdanynyń Sarytoǵaı aýylyndaǵy 200 oryndyq mádenıet úıi. Bul nysannyń qurylysyna 2017 jyly 260 mln teńge bólindi. Alaıda qurylys merziminde aıaqtalmady. Bul sot protsesiniń bastalýyna sebep boldy. Atyraý oblysynyń mamandandyrylǵan aýdanaralyq ekonomıkalyq sotynyń sheshimimen merdiger «Stroı proekt-2017» JShS-men kelisimshart buzyldy, -dep habarlady lepartamenttiń baspasóz qyzmeti.

Onyń aıtýynsha, jergilikti departament oblys ákimdigimen birlesip buzýshylyqtardy joıý, problemalyq nysandardyń qurylysyn aıaqtaý jónindegi jospardy bekitken. Osyǵan baılanysty jaýapty memlekettik organdarǵa, qala men aýdandardyń ákimdikterine tapsyrmalar berilgen. 

– Osyndaı jumystyń nátıjesinde Sarytoǵaı aýylyndaǵy mádenıet úıiniń qurylysyn aıaqtaý úshin jańa merdiger anyqtalyp, «Grand Master» JShS-men shart jasaldy. Merdiger qurylysy jumysty qaıta bastady. Qazir nysannyń qurylysy 95 paıyzǵa aıaqtaldy. Qurylysqa qajetti jabdyqty jetkizý kútilip otyr. Mádenıte úıiniń qurylysy aldaǵy aqpan aıynyń ortasynda tolyǵymen aıaqtalady, -dep málim etti baspasóz qyzmetinen. 

Eske sala ketelik, buǵan deıin «Boıalǵan aqsha» jobasy Atyraýda 30 jyl jóndelmegen jol qarjysyna qoldanylatynyn habarlaǵan edik.