Atyraý oblysynda 520 medqyzmetker saqtandyrýsyz jumys istegen
ASTANA. KAZINFORM — Qyzylqoǵa aýdany prokýratýrasymen eńbek zańnamasynyń saqtalýyn taldaý barysynda aýdandyq aýrýhana qyzmetinde zańbuzýshylyqtar anyqtaldy.
Aýdandyq prokýratýra málimetinshe, zań talaptaryna qaramastan, 2025 jyldan mekememen qyzmetkerlerdiń ómiri men densaýlyǵyn mindetti saqtandyrý qamtamasyz etilmegen.
— Nátıjesinde 520 medıtsına qyzmetkeri jumystaryn tıisti saqtandyrý qorǵaýynsyz júzege asyryp kelgen. Saqtandyrýdyń joq bolýy óndiristik jaraqat nemese basqa tótenshe jaǵdaı oryn alǵan kezde jumysshylardy zańnamamen kózdelgen ótemaqy tólemderinen jáne áleýmettik kepildikterden aıyrý táýekelin týdyrady. Prokýrorlyq qadaǵalaý aktisimen medqyzmetkerlerdiń eńbek jáne konstıtýtsııalyq quqyqtary qalpyna keltirildi, — delingen vedomstvo habarlamasynda.
Budan buryn Kókshetaýda 600-ge jýyq medıtsına qyzmetkeri jalaqylarynyń keshikkenine shaǵymdanǵanyn jazdyq.
