Atyraý oblysynda 501 sheteldik jumysshy kókónis, baqsha ónimderin jınap júr
ATYRAÝ. KAZINFORM – Atyraý oblysynda kókónis pen baqsha daqyldaryn jınaý bastaldy. Sharýashylyq qurylymdarynda bul jumysqa sheteldik 501 adam tartylǵan.
Atyraý oblystyq aýyl sharýashylyǵy jáne jer qatynastary basqarmasynyń bólim basshysy Azat Qapanovtyń málimetinshe, bıyl 8 735,5 gektarǵa kókónis jáne baqsha daqyldary egilgen. Egistik alqap byltyrǵydan 3 492,8 gektarǵa nemese 66%-ǵa artqan.
– Bıyl Atyraý oblysynda kóktemgi dala jumystary belgilengen merzimde jáne agrotehnıkalyq talaptarǵa tolyq sáıkes aıaqtaldy. Aýyl sharýashylyǵynyń barlyq baǵytynda kórsetkish ósip keledi. Máselen, egistik alqaptyń artýy – saladaǵy júıeli qoldaýlar men sharýalar eńbeginiń nátıjesi. Sharýashylyqtar maýsymdyq jumystarǵa qajetti jumys kúshimen qamtyldy. Arnaıy komıssııanyń sheshimimen sheteldik jumys kúshin tartý úshin 670 kvota bólindi. Al, 1 shildede 501 adamǵa jumys isteýge ruqsat berildi. Qazir olar kókónis jáne baqsha daqyldaryn jınaýǵa tartyldy, - deıdi Azat Qapanov.
Basqarma ókiliniń málimetine súıensek, osy kezge deıin 435 gektardan 6 940 tonna ónim jınalǵan. Onyń ishinde 2 100 tonna kókónis, 3 160 tonna baqsha daqyly bar.
Sondaı-aq 300 gektardan 1 680 tonna mal azyqtyq daqyl alynǵan.
Eske sala ketelik, Atyraýda ótken aptada sary maı, sábiz, pııaz, qant pen tuz baǵasy ózgergenin jazǵan edik.