Atyraý oblysynda 500 gektar aýyl sharýashylyǵy jeri memleket menshigine qaıtaryldy
ASTANA. KAZINFORM – QR Aýyl sharýashylyǵy mınıstrligi Jer resýrstaryn basqarý komıtetiniń Atyraý oblysy boıynsha jer resýrstaryn basqarý departamenti aýyl sharýashylyǵy taýaryn óndirýshige qatysty jospardan tys tekserý júrgizdi, dep habarlaıdy mınıstrliktiń baspasóz qyzmeti.
Tekserý barysynda Qyzylqoǵa aýdanynda ornalasqan, sharýa qojalyǵyn júrgizý úshin berilgen jalpy alańy 500 gektar aýyl sharýashylyǵy maqsatyndaǵy jer teliminiń nysanaly maqsatqa saı paıdalanylmaǵany anyqtaldy.
Zań buzýshylyqtardy joıý maqsatynda jer paıdalanýshyǵa tıisti nusqama berildi. Alaıda nusqama oryndalmaǵandyqtan, atalǵan departament Atyraý oblysynyń mamandandyrylǵan aýdanaralyq ekonomıkalyq sotyna talap aryz berdi.
Sot talqylaýynyń qorytyndysy boıynsha departament talaby tolyq qanaǵattandyryldy. Nátıjesinde jer telimi memleket menshigine qaıtaryldy.
Aýyl sharýashylyǵy maqsatyndaǵy paıdalanylmaı jatqan nemese nysanaly maqsatqa saı paıdalanylmaǵan jerlerdi anyqtaý jáne memleket menshigine qaıtarý jumystary áli júrip jatyr.
Osyǵan deıin BQO-da jer komıssııasynyń sheshimderi zańsyz dep tanylǵany týraly jazdyq.
