Atyraý oblysynda 45,7 myń adam 59,7 mlrd teńge nesıesin keıin tóleıtin boldy
ATYRAÝ. KAZINFORM – Atyraý oblysynda 45,7 myń turǵyn 59,7 mlrd teńge nesıesin keıin tóleıtin boldy.
Atyraý óńirlik ókilder basqarmasynyń basshysy Aslanbek Qabesovtiń aıtýynsha, 45 739 turǵyn nesıesin tóleýdi keıinge qaldyrýǵa ótinish bergen.
«Sý tasqynynan zardap shekken turǵyndardyń nesıesin keıinge qaldyrý boıynsha bank jáne mıkroqarjy uıymdarymen kelisim júrgizildi. Atyraý oblysy boıynsha 45 739 adamnyń 59 mlrd 795 mln teńge kólemindegi nesıelik tólemderi keıinge qaldyryldy. Qazir sý tasqynynan zardap shekken turǵyndardyń nesıelerin keıinge qaldyrýǵa qatysty jumys áli de jalǵasyp jatyr. Qarjy naryǵyn retteý jáne damytý agenttigi tarapynan bank pen mıkroqarjy uıymdaryna nesıelerdi keıinge shegerý úshin osy sanattaǵy turǵyndardyń tizimi jiberildi», - deıdi Aslanbek Qabesov.
Eske sala ketelik, budan buryn Atyraý-Dossor trassasyndaǵy kópirdiń asty keńeıtilýi múmkin ekenin jazǵan edik.
Sondaı-aq, Jaıyq ózeniniń Kaspıı teńizine quıar saǵasy 1,5 metrge tereńdetilgenin habarlaǵan bolatynbyz.
