Atyraý oblysynda 4 uńǵyma sý astynda qalǵan

ATYRAÝ. KAZINFORM – Atyraý oblysynda 4 uńǵyma sý astynda qalǵany anyqtaldy.

TJM Ónerkásiptik qaýipsizdik komıtetiniń Atyraý oblysy boıynsha departamentinen málim etkendeı, 3 uńǵymany Qyzylqoǵa, al, bireýi Maqat aýdanynda ornalasqan. 

«Atyraý oblysyndaǵy «Qaınarmunaıgaz» basqarmasynyń «Shyǵys Ýaz» ken ornynda 3 uńǵyma bar. Bul – №101, №106, №116 uńǵymalar. Qazir uńǵymalardy qorǵaý bógetiniń janyna tóselgen qum salynǵan qaptardyń ústine topyraq tógilip jatyr. Sýdy Saǵyz ózenine NB-50 sorǵymen aıdaý jumystary júrgizilge 4 adam men 2 arnaıy tehnıka tartyldy», - dep habarlady. 

Al, «5A Oıl» JShS-niń «Jańa Maqat» ken ornyndaǵy №E7 uńǵymasyna topyraq tógý jáne qalpyna keltirý jumysy aıaqtalǵan. 

«Atalǵan uńǵymalar qorǵaý úshin tógilgen topyraq ýaqytynda tyǵyzdaldy. Atyraý oblysynyń ózge ken oryndaryndaǵy jaǵdaı turaqty baqylaýǵa alynyp otyr», - dep málim etti óńirlik departamentten.

Eske sala ketelik, budan buryn Atyraýda Bereke, Almaly, Besikti aýyldaryn sý basýy múmkin ekenin jazǵan edik.