Atyraý oblysynda 4 aıda 39 myń júrgizýshi jyldamdyqty shekten tys asyrǵan
ATYRAÝ. KAZINFORM – Atyraý oblysynda 4 aıda 39 myń júrgizýshiniń jyldamdyqty shekten tys asyrǵany anyqtalǵan.
Atyraý oblystyq Polıtsııa departamentiniń baspasóz qyzmetinen málim etkendeı, 1 aqpanda «Kıber Sherıf» aqparattyq borttyq baǵdarlama iske qosylǵan.
«Patrýldik polıtsııa rotasynyń qyzmetkerleri atalǵan baǵdarlamamen qamtylǵan arnaıy 28 kólikpen joldaǵy qaýipsizdikti qadaǵalap júr. Máselen, tórt aıda atalǵan qurylǵymen 39 myńnan astam júrgizýshiniń jyldamdyqty shekten asyrǵany tirkelip otyr. Onyń ishinde 16 myńnan astam júrgizýshi saǵatyna 130-dan 180-ge deıingi jyldamdyqpen júrgeni anyqtaldy», - dep habarlady departamenttiń baspasóz qyzmeti.
Osyǵan baılanysty polıtseıler júrgizýshilerge jol erejesin qatań saqtaýy eskertip otyr.
«Jyldamdyqty shamadan tys asyrmaý qajet. Óıtkeni bul júrgizýshiniń de, kóliktegi jolaýshylardyń da ómirine qaýip týdyrýy múmkin. Sol sebepten adam ómirine nemquraıly qaramaǵan jón», - dep málim etti departamenttiń baspasóz qyzmetinen.
Sondaı-aq, 6 mamyrdan beri birjolaqty joldy kesip ótken 42 júrgizýshi 6 aıǵa kólik basqarý quqyǵynan aıyrylǵan.
Eske sala ketelik, buǵan deıin Atyraýda jyl basynan beri moped júrgizýshileriniń kinásinen 17 jol oqıǵasy bolǵanyn jazǵan edik.
