Atyraý oblysynda 30-ǵa jýyq shetel azamaty el aýmaǵynan shyǵaryldy
ATYRAÝ. KAZINFORM — Atyraý oblysy Jylyoı aýdanynda shamamen 30-ǵa jýyq shetel azamaty el aýmaǵynan shyǵaryldy.
Jylyoı aýdanynyń Teńiz qalashyǵynda kóshi-qon qyzmeti qyzmetkerleri shetel azamattarynyń Qazaqstan Respýblıkasynda bolý zańdylyǵyn tekserý maqsatynda keshendi jedel-aldyn alý is-sharalaryn júrgizdi.
Іs-shara barysynda Qazaqstan Respýblıkasynyń aýmaǵynda bolý tártibin buzǵan 27 shetel azamaty el aýmaǵynan tysqary shyǵaryldy. Olarǵa Qazaqstan Respýblıkasynyń Ákimshilik quqyq buzýshylyq týraly kodeksiniń 517-baby 5-bóligine sáıkes ákimshilik hattamalar toltyrylyp, materıaldar Jylyoı aýdandyq sotyna joldandy.
Sonymen qatar kóshi-qon zańnamasynyń saqtalýyn qamtamasyz etý maqsatynda shetel azamattary men olardy qabyldaýshy tulǵalar arasynda túsindirý-profılaktıkalyq jumystar júrgizildi. Azamattarǵa elimizde bolý talaptary men merzimderin qatań saqtaý qajettigi túsindirilip, zań buzýshylyqtardyń aldyn alýǵa baǵyttalǵan tıisti sharalar qabyldanyp jatyr.
Aıta ketelik BQO-da shekarany zańsyz kesip ótken úsh shetel azamaty sottalǵan edi.
