Atyraý oblysynda 3 kólik soqtyǵysyp, sheteldik jolaýshy kóz jumdy
ATYRAÝ. KAZINFORM – Atyraý oblysynda 3 kólik soqtyǵysty. Jol apatynyń saldarynan sheteldik 1 jolaýshy kóz jumdy.
Atyraý oblystyq polıtsııa departamentiniń baspasóz qyzmetinen málim etkendeı, jol-kólik oqıǵasy búgin, 15 maýsymda bolǵan.
«Jol apaty tańerteńgi saǵat 06:30 shamasynda Atyraý-Dossor tas jolynyń boıynda tirkelip otyr. Bir mezgilde úsh kólik – KamAZ, PAZ – 32053 jáne Daewoo Nexia soqtyǵysty. Jol apatynyń saldarynan Ózbekstan Respýblıkasynda tirkelgen Daewoo Nexia avtokóligindegi 1 jolaýshy oqıǵa ornynda qaza tapty. Marqum – Ózbekstan Respýblıkasynyń 1973 jylǵy azamaty», -dep habarlady departamenttiń baspasóz qyzmeti.
Belgili bolǵandaı, úsh kóliktiń biri – KamAZ jol jıegindegi sýǵa qulaǵan. Bul joldyń boıyna tasqyn sý tirelip tur. Jol apaty tirkelgen tusta 496-temirjol beketi bar.
Al, patrýldik polıtsııa rotasynyń qyzmetkerleri jol apatyna qatysty tergeý júrgizýdi bastady.
Eske sala ketelik, buǵan deıin Atyraý oblysynda jyl basynan beri jol apatynan 56 adam qaza tapqanyn habarlaǵan bolatynbyz.
Sondaı-aq, erli-zaıypty jol apatynan mert bolǵanyn jazǵan edik.
