Atyraý oblysynda 28 jylqyny urlaǵan kúdikti qamaýǵa alyndy

ATYRAÝ. KAZINFORM – Atyraý oblysynyń Inder aýdanyndaǵy Kóktoǵaı aýylynyń turǵyndary 28 jylqynyń urlaǵany týraly dabyl kóterdi. Osyǵan oraı oblystyq polıtsııa departamenti mal urlǵan kúdiktiniń qamaýǵa alynǵanyn habarlady.  

Atyraý oblystyq polıtsııa departamenti krımınaldyq polıtsııa basqarmasy bastyǵynyń orynbasary, polıtsııa podkolkovnıgi Abaı Jumabaevtyń aıtýynsha, ustalǵan kúdiktiniń jasy – 45-te.

– Atyraý oblystyq polıtsııa departamentiniń qyzmetkerleri jedel-izdestirý sharalary kezinde Mahambet aýdanynyń aýmaǵynda 28 bas jylqyny urlady degen kúdikpen 45 jastaǵy er adamdy ustady. Qazir kúdikti qamaýǵa alyndy. Іri kólemde mal urlyǵy deregimen qylmystyq is tirkeldi. Keshendi tergeý amaldary bastaldy. Qylmysqa qatysty barlyq derek pen mán-jaı tekserilip jatyr. Aıǵaq zattar tárkilendi. Ózge aqparat tergeý múddesine sáıkes jarııalaýǵa jatpaıdy, - dep habarlady Abaı Jumabaev.

Eske sala ketelik, buǵan deıin Atyraýda 62 jastaǵy áıeldi óltirdi degen kúdikpen týysy qamaýǵa alynǵanyn habarlaǵan edik.