Atyraý oblysynda 1,3 mln-ǵa jýyq shabaq qutqaryldy

ATYRAÝ. KAZINFORM — Aýyl sharýashylyǵy mınıstrligi Atyraý oblysynda 1,3 mln-ǵa jýyq shabaq qutqarylǵanyn málimdedi.

Bıylǵy 27-28 tamyz kúnderi Jaıyq-Kaspıı oblysaralyq basseındik balyq sharýashylyǵy ınspektsııasy jergilikti atqarýshy organdarmen birlesip, Inder aýdanyndaǵy bólinip qalǵan sýdan 1 mln 280 myń dana shabaqty qutqarǵan.

«Sonymen birge „Malomokryı“ arnasynan 37 myń dana balyq shabaǵy qutqarylyp, Jaıyq ózenine tiri kúıinde jiberildi», — dep jazdy vedomstvodan.

Aıta keteıik, buǵan deıin Batys Qazaqstan oblysyndaǵy Jezbuǵa kólinde balyq qyrylǵanyn jazǵan bolatynbyz.

Sondaı-aq BQO-da 340 myńnan asa balyq shabaqtary qutqarylyp, Jaıyq ózenine jiberildi