Atyraý oblysynda 13 myńǵa jýyq adam qant dıabetine shaldyqqan

ATYRAÝ. KAZINFORM – Atyraý oblysynda qant dıabeti syrqatyna shaldyqqandar sany 13 myńǵa jýyqtaǵan. Al, bıyl bul syrqatpen aýyratyn naýqastar byltyrǵy kórsetkishten 9 paıyzǵa artqan. 

Endokrınolog-dáriger Bıbigúl Aıtmaǵanbetovanyń málimetine súıensek, naýqastardyń arasynda kámeletke tolmaǵan 213 balalar men jasóspirimder bar. 

«Qazir densaýlyq saqtaý basqarmasy dıabetke shaldyqqan naýqastardy emdeý jáne qoldaý sharalaryn kúsheıtýdi qolǵa aldy. Osy oraıda bul aýrýmen kúresýdiń tıimdi joly retinde salamatty ómir saltyn ustaný, durys tamaqtaný jáne fızıkalyq belsendilik ekenin esten shyǵarmaý qajet. Óıtkeni, naýqastardyń kóbi qant mólsheriniń kóbeıip ketkenin bilmeýi múmkin. Qant dıabetiniń birinshi tıpimen aýyratyndar esinen tanyp, qulap qalady. Al, ekinshi tıpke jatatyn dert kópke deıin belgi bermeıdi. Sondyqtan, kópshiligi qant dıabetine shaldyqqanyn óte sezedi», - deıdi Bıbigúl Aıtmaǵambetova.

Onyń aıtýynsha, dıabet dertin emdeýge qoldanylatyn dári-dármektermen, onyń ishindeınsýlınmen qamtamasyz etý turaqty túrde baqylaýǵa alynǵan. 

Eske sala ketelik, buǵan deıin Atyraýda jiti respıratorlyq vırýstyq ınfektsııalardyń 13 107 jaǵdaıy tirkelgenin habarlaǵan bolatynbyz. 

Al, 9 aıda 231 adam týberkýlez dertin juqtyrǵanyn jazǵan edik.

Sondaı-aq Atyraý oblysynda jyl basynan beri kókjóteldiń 144 jaǵdaıy tirkelgen.