Atyraý oblysyna shetelden 169 etnıkalyq qazaq kóship keldi
ATYRAÝ. KAZINFORM – Atyraý oblysyna jyl basynan beri shet memleketterden 169 qandas qonys aýdardy. Qandastar Atyraý qalasyna, Jylyoı, Qurmanǵazy jáne Maqat aýdanyna qonystandy.
Atyraý oblystyq jumyspen qamtýdy úılestirý jáne áleýmettik baǵdarlamalar basqarmasynyń bólim basshysy Gúlbolat Amanǵalıevanyń aıtýynsha, jyl basynan bergi 6 aıda shetelden 122 otbasy turaqty turý maqsatynda qonys aýdarǵan.
– Qandastardyń basym bóligi – 127 adam Ózbekstan Respýblıkasynan kóship keldi. Reseı Federatsııasynan 22 adam, Túrikmenstan Pespýblıkasynan 12 adam, Qytaı Halyq Respýblıkasynan 7 adam jáne Mońǵolııadan 1 adam qonys aýdaryp otyr. Olardyń 153-i Atyraý qalasyna, 7-eýi Jylyoı aýdanyna, 8 adam Qurmanǵazy aýdanyna, 1-eýi Maqat aýdanyna ornalasty, - deıdi Gúlbolat Amanǵalıeva.
Bıyl Atyraý oblysynda qandastardy qabyldaýdyń óńirlik kvotasy aıasynda 100 adamǵa kvota bólingen. Osy kezge deıin komıssııa sheshimimen 56 otbasy (90 adam) kvota alǵan.
– Kvota alǵandardyń arasynda Ózbekstannan 63 adam, Qytaıdan – 10, Reseıden – 10, Túrikmenstannan 7 qandas bar. Qandastardyń kóshi-qon shyǵyndaryn óteý úshin 81 adamǵa 70 aılyq eseptik kórsetkish mólsherinde 22 mln 294 myń 440 teńge kóleminde birjolǵy áleýmettik tólem berildi. Al, 6 otbasy quramyndaǵy 13 adamǵa turǵyn úı jaldaýǵa jáne kommýnaldyq tólemder úshin 20-25 aılyq eseptik kórsetkish mólsherinde 727 myń 420 teńge kóleminde aı saıynǵy járdemaqy taǵaıyndaldy, - dep habarlady Gúlbolat Amanǵalıeva.
Onyń deregine qaraǵanda, zańda kórsetilgen merzimge sáıkes 15 qandastyń mártebesi 6 aıǵa uzartylǵan. Onyń ishinde 13 qandas Ózbekstannan, 1-eýi Mońǵolııadan, taǵy 1 adam Túrikmenstannan kelgen.
– Qazir Atyraý oblysynda qandastardy ýaqytsha ornalastyrý ortalyǵy turaqty jumys isteıdi. Maqsatymyz – elge oralǵan qandastardyń jańa ortaǵa beıimdelýine jasalǵan naqty qoldaý kórsetý. Mansap ortalyqtaryna júgingen 10 qandastyń 5-eýi áleýmettik qoldaýǵa ıe boldy. Ekeýi turaqty jumysqa, 2 adam qoǵamdyq jumysqa ornalastyrylyp, 1 adam qaıta daıarlaý kýrsyna jiberildi, - dep málim etti Gúlbolat Amanǵalıeva.
Eske sala ketelik, budan buryn Qazaqstan azamattyǵyn alýdy jeńildetetin qujat jobasy talqylaýǵa shyǵarylǵany habarlanǵan edi.