Atyraý oblysyna ózge óńirlerden kelgen mektep muǵalimderine páter berildi

Atyraý oblysyna ózge óńirlerden arnaıy baǵdarlamamen kelgen mektep muǵalimderine páter berildi, dep habarlaıdy Kazinform. 

Oblystyq Bilim basqarmasynyń basshysy Erlan Slambekovtiń aıtýynsha, elimizde kadr jetispeıtin, bilim sapasy tómen óńirlerge úzdik pedagogterdi tartýǵa arnalǵan arnaıy baǵdarlama bar. Atalǵan baǵdarlama aıasynda Atyraý oblysynda jumys isteýge 10 muǵalim nıet bildirgen.

«Muǵalimderdi bos laýazymdarǵa tartýdyń erejesi bar. Oblystyq Bilim basqarmalary janynan úılestirý keńesi, mınıstrlik janynan konkýrs komıssııasy quryldy. Óńirge keletin muǵalimderge laýazymdyq jalaqynyń 150% mólsherinde yntalandyrý tólemi, onyń ishinde jalaqyny kóterý, turǵyn úıdi jaldaý aqysyn, kommýnaldyq tólemder shyǵynyn óteý belgilengen. Bos jumys oryndaryna ornalasý úshin úmitkerler esse jazyp, testileýden, áńgimelesýden ótti. Atyraý oblysyna bastaýysh synyp, tarıh, matematıka, fızıka páninen dáris beretin 10 muǵalim keldi. Qazir olar mektepterde dáris berip júr. Olardyń keıbirine jańa páter berip otyrmyz. Endi 15 jeltoqsanǵa deıin taǵy 4 muǵalimge baspana berý josparlanyp oyr», -dep habarlady Erlan Slambekov.

Máselen, Gúljan Boranbaevanyń 20 jylǵa jýyq bilim salasynda jumys isteıdi. Buryn Batys Qazaqstan oblysyndaǵy daryndy balalarǵa arnalǵan mamandandyrylǵan aqparattyq-tehnologııalyq mektep-lıtseıinde matematıka páninen dáris bergen. Endi Atyraý qalasyndaǵy №31-shi gımnazııada jumys istep júr.

Kórshi óńirden taǵy bir muǵalimder otbasy kelgen. Jas mamandar Erjan Eginbaevtyń ózin de, jubaıy da – pedagog.

«Muǵalimderge jas urpaqtyń bolashaǵy úshin úlken jaýapkershilik júktelip otyr. Bizdiń mindetimiz – oqýshylardyń sapaly bilim alýyna, eldiń keleshegine adal qyzmet etetin bilikti maman bolyp qalyptasýyna úles qosý. Bizdiń alańsyz jumys isteýimiz úshin jańa páter berilip, qoldaý kórsetilip otyr», - deıdi Erjan Eginbaev.

Eske sala ketelik, budan buryn Atyraýda jańadan 40 mektep paıdalanýǵa beriletinin jazǵan edik.