Atyraý oblysyna 7 myń tonnadan astam suıytylǵan gaz jetkizilgen
ATYRAÝ. KAZINFORM – Atyraý oblysyna aqpan aıyna 7 290 tonna suıytylǵan gaz jetkizildi. Jergilikti ákimdik Energetıka mınıstrliginen taǵy 3 myń tonna gaz suraǵaly otyr.
Atyraý oblystyq energetıka jáne turǵyn úı-kommýnaldyq sharýashylyq basqarmasynyń basshysy Aıdýlat Kenjebekovtiń málimetinshe, 101 gaz quıý beketi bar.
– Atyraý oblysyna aqpan aıyna 7 300 tonna suıytylǵan munaı gazy bólindi. Qazir arnaıy beketterge 7 290 tonna gaz jetkizildi. Іshki naryqtaǵy gaz qajettiligin qamtý úshin Energetıka mınıstrliginen taǵy da 3 myń tonna gaz suratylady, - dep habarlady Aıdýlat Kenjebekov.
Oblys ákiminiń baspasóz hatshysy Rýslan Jumaǵazıevtiń aıtýynsha, Atyraý oblysynda burynnan bar suıytylǵan gaz arnaıy beketterde 59 teńgeden satylyp jatyr. Al aqpanda jetkizilgen gaz jańa baǵamen satylady.
Eske sala ketelik, budan buryn 1 aqpannan bastap Qazaqstanda avtomobıl gazynyń baǵasy óskeni habarlanǵan bolatyn.