Atyraý oblysy jolaýshylar kóligi jáne avtomobıl joldary basqarmasyna jańa basshy taǵaıyndaldy

ATYRAÝ. KAZINFORM — Atyraý oblysynyń ákimi Serik Shápkenovtiń ókimimen Atyraý oblysy jolaýshylar kóligi jáne avtomobıl joldary basqarmasynyń basshysy laýazymyna Áset Samarhanuly Orazǵalıev taǵaıyndaldy.

Áset Orazǵalıev Atyraý oblysy Inder aýdanyndaǵy Qulager aýylynda dúnıege kelgen.

Joǵary bilimdi.

2003 jyly Qazaq memlekettik sáýlet-qurylys akademııasyn támamdaǵan.

2008 jyly Atyraý munaı jáne gaz ınstıtýtyn bitirgen.

Mamandyǵy — ónerkásiptik jáne azamattyq qurylys, tótenshe jaǵdaılardaǵy qorǵanys.

Eńbek jolyn 2003 jyly bastaǵan. Órtke qarsy qyzmet organdarynda jáne qurylys salasyndaǵy kásiporyndarda qyzmet etken.

2009 jyldan bergi qyzmeti oblystyń jol salasymen baılanysty.

Atqarǵan qyzmetteri:

• bas maman;
• avtomobıl joldary bóliminiń basshysy;
• basqarma basshysynyń orynbasary;
• Atyraý oblysy jolaýshylar kóligi jáne avtomobıl joldary basqarmasynyń basshysy;
• «QazAvtoJol» AQ Atyraý oblystyq fılıaly dırektorynyń orynbasary.

Buǵan deıin Inder aýdany ákiminiń orynbasary bolyp qyzmet etken.

Aıta keteıik, Astanada Memlekettik kirister departamentine jańa basshy taǵaıyndaldy.