Atyraý oblysy tabıǵı resýrstar basqarmasyna jańa basshy keldi
ASTANA. KAZINFORM — Jantas Ospan Atyraý oblysy tabıǵı resýrstar jáne tabıǵat paıdalanýdy retteý basqarmasyna basshy bolyp taǵaıyndaldy, dep habarlaıdy oblys ákimdiginiń baspasóz qyzmeti.
— Atyraý oblysy ákiminiń ókimimen Atyraý oblysy tabıǵı resýrstar jáne tabıǵat paıdalanýdy retteý basqarmasynyń basshysy laýazymyna Jantas Ospan taǵaıyndaldy, — delingen habarlamada.
Jantas Ospan — joǵary bilimdi. 2009 jyly Atyraý munaı jáne gaz ınstıtýtyn «Munaı-gaz salasyndaǵy qoldanbaly ekologııa», 2019 jyly S. Ótebaev atyndaǵy Atyraý munaı jáne gaz ýnıversıtetin «Munaı-gaz isi», 2025 jyly Almaty Menedjment Ýnıversıtetin «Jalpy jáne strategııalyq menedjment» mamandyǵy boıynsha támamdaǵan. Magıstr dárejesi bar.
Eńbek jolyn 2004 jyly «Jańa jol-1» JShS-nde jabdyqtaý jónindegi ınjener bolyp bastaǵan. Ár jyldary munaı-gaz salasyndaǵy kásiporyndarda sapany baqylaý ınjeneri, qurylys jónindegi dırektordyń orynbasary, BÓAjA ınjeneri, maman, óndiristik-tehnıkalyq bólim basshysynyń orynbasary jáne bólim basshysy qyzmetterin atqarǵan.
2023 jylǵy jeltoqsannan beri Atyraý oblysy energetıka jáne turǵyn úı-kommýnaldyq sharýashylyq basqarmasynda tapsyrmalardyń oryndalýyn baqylaý jónindegi ınspektor, keıin basqarma basshysynyń orynbasary laýazymdarynda eńbek etti.
Jańa laýazymǵa taǵaıyndalǵanǵa deıin osy basqarma basshysynyń orynbasary bolyp jumys istedi.
Buǵan deıin Otbasy bank Dırektorlar keńesiniń tóraǵasy bolyp táýelsiz dırektor saılanǵanyn jazdyq.
