Atyraý oblysy Saraıshyq aýylynda bóget astynan ketken tasqyn sýǵa der kezinde tosqaýyl qoıyldy

ATYRAÝ. KAZINFORM – Burynǵy jerasty qubyry bolǵan oryn jarylyp, saldarynan búgin, 14 mamyr, saǵat túngi 01:20 shamasynda bógetten sý ketken. Bul týraly jedel shtabtan málimdedi.

Arheologııalyq qazba ornyna jaqyn jerdegi bóget astynan burynǵy jerasty qubyry bolǵan oryn jarylǵan. Bóget boıynda túngi kezekshilikte júrgen azamattar aýylǵa tóngen qaýip jóninde dabyl qaqty. Oqıǵa ornyna aýyl turǵyndarymen qatar aýdan, Mahambet aýdany ákimi Qaırat Nurlybaev jetti. Shuǵyl túrde 11 tehnıka men jergilikti azamattar jumyldyrylyp, bóget janyna qum tógilip, aǵyn sýǵa tosqaýyl qoıyldy.

Shuǵyl sharalar nátıjesinde aýylǵa sý kirmedi. Qazirgi ýaqytta qosymsha bóget soǵylyp jatyr.

Aıta keteıik, Saraıshyq aýyldyq okrýgindegi bógettiń uzyndyǵy – 13,6 shaqyrym. Onyń ishinde bógettiń 5,4 shaqyrymy qaıta jańǵyrtylǵan qoldanystaǵy eski damby. 8,2 shaqyrym bóget jańadan soǵyldy. Mahambet aýdanyna qarasty Saraıshyq aýylynda 506 úı, 2972 turǵyn bar.

Buǵan deıin Jaıyq ózeninen Atyraý mańyndaǵy 5 eldi mekenge qaýip tónýi múmkin ekenin jazǵan bolatynbyz.