Atyraý oblysy memlekettik kirister departamentiniń jańa basshysy taǵaıyndaldy
ATYRAÝ. KAZINFORM — Qarjy mınıstriniń 26 mamyrdaǵy buıryǵymen Atyraý oblysy boıynsha memlekettik kirister departamentiniń basshysy laýazymyna Kenjeǵazy Esembekov taǵaıyndaldy.
Memlekettik kirister komıteti tóraǵasynyń orynbasary Jánibek Nurjanov jańa basshysyny departament ujymyna tanystyrdy.
Kenjeǵazy Muqajanuly eńbek jolyn 1996 jyly memlekettik kirister organdarynda bastaǵan. Ár jyldary Qarjy mınıstrligi Memlekettik kirister komıtetiniń aýmaqtyq bólimshelerinde jumys istegen.
Almaty sondaı-aq Astana qalasynda, Almaty men Túrkistan oblysy boıynsha memlekettik kirister departamentinde basshylyq qyzmetter atqarǵan. 2021 jyldan Memlekettik kirister komıtetiniń memlekettik qyzmetter departamenti aktsızderdi ákimshilendirý basqarmasynyń basshysy bolǵan. Al 2022 jylǵy 18 mamyrdan beri Astana qalasy boıynsha Memlekettik kirister departamenti basshysynyń orynbasary qyzmetin atqaryp keldi.
Eske sala ketelik, budan buryn Atyraýda qymbat meıramhanadaǵy tóbelesten soń qylmystyq is qozǵalǵanyn habarlaǵan edik.
Aıta keteıik, saıasat, ekonomıka, bıznes, ǵylym, mádenıet sekildi túrli salada el damýyna eleýli úles qosqan tanymal qazaqstandyqtardyń ómirbaıany men qyzyqty málimetterdi myna jerden oqı alasyz.