Atyraý oblysy ákiminiń orynbasary qyzmetinen ketti
ATYRAÝ. KAZINFORM - Atyraý oblysy ákiminiń orynbasary bolǵan Jasulan Bısembıev qyzmetinen ketti. Ol bul laýazymda 4 jyldan asa jumys istedi.
Jasulan Bısembıev 2022 jyldyń tamyzynan bastap aımaq basshysynyń orynbasary bolyp eńbek etti. Ol óziniń áleýmettik jelidegi paraqshasynda basqa qyzmetke aýysatynyn málimdep, áleýmettik saladan bastap, ekonomıka, bıýdjet jáne ózge de baǵytta istelgen jumys týraly aıtty.
- Memlekettik qyzmettegi basty kórsetkish — ıgerilgen qarajat nemese eseptegi sandar emes, qabyldanǵan sheshimderdiń turǵyndar ómirine tıgizetin naqty áseri. Árıne, bárin jasap úlgerdik dep aıta almaımyn. Sheshimin kútip turǵan máseleler de, aıaqtalmaǵan jumystar da bar. Biraq ár sheshimde týǵan ólkemizdiń jáne onyń turǵyndarynyń múddesin birinshi orynǵa qoıýǵa tyrystyq. Osy jyldary turǵyndarmen ashyq dıalog ornatýǵa erekshe mán berdik,-dedi ol.
Buǵan deıin Atyraý qalasynyń ákimi bolyp «Atyraý» áleýmettik kásipkerlik korporatsııasynyń basshysy Danııar Tahanov taǵaıyndalǵanyn jazǵan edik.
