Atyraý oblysy ákimi qylmys jasaǵan balanyń ata-anasyn quqyǵynan aıyrýdy usyndy
ATYRAÝ. KAZINFORM — Atyraý oblysynyń ákimi Serik Shápkenovtiń tóraǵalyǵymen arnaıy komıssııada kámelet jasyna tolmaǵan balalar arasyndaǵy qylmys sóz boldy.
Oblystyq polıtsııa departamenti bastyǵynyń birinshi orynbasary Ábdiǵanı Seıdýalıevtiń málimetinshe, jyl basynan beri jasóspirimderdiń qatysýymen jasalǵan qylmys sany 6,4%-ǵa tómendegen.
Al, qylmystyń basym bóligin 18 jasqa tolmaǵan jasóspirimder jasaǵan.
«Іshki ister organdaryna 6 427 bala jetkizilip, 6 355 kámeletke tolmaǵan balanyń zańdy ókili ákimshilik jaýapkershilikke tartyldy. Іshki ister organdarynyń esebine 204 jasóspirim jáne 69 jaısyz otbasy alyndy. Bala tárbıesimen aınalyspaǵany úshin 5 jaısyz otbasy ata-analyq quqyǵynan aıyryldy. Al 10 otbasynyń ata-analyq quqyǵynan shekteldi», -dedi Ábdiǵanı Seıdýalıev.
Oblys ákimi Serik Shápkenovtiń pikirinshe, jasóspirimder jasaǵan qylmysqa ata-anamen birge bilim ordalarynyń basshylary da jaýap berýi qajet.
Mektepterdegi ıývenaldy polıtsııanyń jumysyn júıelep, oqýshylarmen jumys isteıtin psıhologtyń sanyn kóbeıtken jón.
Al, aýdandarda kámeletke tolmaǵandardy beıimdeý ortalyǵyn ashý kerek.
«Jasóspirimder qylmysynyń 75 paıyzy Atyraý qalasynda tirkelip otyr. Biraq qalada barlyq múmkindik bolsa da, qylmystyń aldyn alý kórsetkishi kóńil kónshitpeıdi. Sońǵy ýaqytta jasóspirimderdiń qatysýymen birneshe rezonanstyq quqyq buzý faktisi tirkeldi. Onyń árqaısysyna júıeli taldaý jasaý kerek. Bul jumystarǵa mektep, kolledj dırektorlary tartylýǵa tıis. ıÝvenaldy polıtsııanyń jumysyn kúsheıtýdiń mańyzy zor. Qylmys jasaǵan balanyń sanasynda qandaı da bir kemshilik bolýy múmkin. Jasóspirimniń qylmysty nendeı sebepten jasaǵanyn bilýimiz qajet. Mundaı oqýshylarmen psıhologtar tyǵyz jumys isteýi kerek. Bala tárbıesine ata-analar tikeleı jaýapty ekenin umytpaǵany jón. Eger kezekti eskertýden keıin ata-ana qorytyndy shyǵarmasa, quqyǵynan aıyrý kerek. Jasóspirimder qylmysynyń aldyn alýǵa ákimdik tarapynan barlyq kómek kórsetiledi», -dedi Serik Shápkenov.
