Atyraý oblysy: 41 eldi mekende tasqyn sýǵa qarsy bóget turǵyzyldy
ASTANA. KAZINFORM – Tótenshe jaǵdaılar mınıstrligi sý basqan óńirlerdegi qazirgi jaǵdaı týraly málimetpen bólisti.
«Atyraý oblysynda 41 eldi mekende topan sýdan qorǵanys beketteri turǵyzyldy. Jalpy atalǵan óńirde sý tasqyny bastalǵaly 500 shaqyrymnan astam bóget salyndy. Búginde oblysta mınıstrliktiń áskerı qyzmetshilerimen qatar 10 óńirden kelgen qutqarýshylar toby bar. Tótenshe jaǵdaı qyzmetkerleri Jaıyq ózenindegi sý deńgeıine saǵat saıyn monıtorıng júrgizýde. Sondaı-aq, topan sýdy sorý jumystary táýlik boıy júrip jatyr», - dedi mınıstrliktiń resmı ókili Asqar Shárip Ortalyq kommýnıkatsııalar qyzmeti alańynda ótken baspasóz máslıhatynda.
Sonymen qatar Atyraý oblysyna qarasty Qulsary qalasynda 2 564 turǵyn úıden topan sý aǵyny buryldy.
Resmı ókildiń málimetinge, qazir Atyraý, Aqtóbe, Batys Qazaqstan, Soltústik Qazaqstan oblystarynda sý tasqynyna qarsy is-sharalar, sý tasqyny saldaryn joıý jáne halyqqa kómek kórsetý jumystary júrip jatyr.
