Atyraý munaı óńdeý zaýytynyń jelisinen janarmaı aqty

ATYRAÝ. KAZINFORM – Atyraý munaı óńdeý zaýytynyń jelisinen janarmaı aǵyp ketti.

Bul derekti «Atyraý munaı óńdeý zaýyty» JShS-niń baspasóz qyzmeti rastady.

– Zaýyttyń №33 rezervýar parkindegi taýarlyq avtobenzın komponentterin aıdaý jelisinde aǵyp ketý faktisi anyqtaldy. Jaýapty mamandar qubyrdy rezervýardan ajyratý sharalaryn qabyldady. Qazir zaýyttyń jaýapty qyzmetkerleri aqaýdyń saldaryn joıý jumystaryn júrgizýdi qolǵa aldy, - dep málim etti zaýyttyń baspasóz qyzmeti.

Zaýyt jelisindegi aqaý munaı ónimin jóneltý kólemine áser etpeıdi.

Qazir zaýyt shtattyq rejımde jumys istep tur.

Eske sala ketelik, buǵan deıin Atyraý munaı óńdeý zaýytynyń qondyrǵysynan býdaqtap bý kóterilip jatqanyn jazǵan edik.