Atyraý munaı óńdeý zaýytynyń úlesin satý qaralyp jatqan joq – mınıstrlik
ASTANA. KAZINFORM – Energetıka mınıstrligi «Tatneft» munaı kompanııasy men Atyraý munaı óńdeý zaýyty óndiristik tájirıbe almasý aıasynda ózara is-qımyl jasalǵanyn habarlady.
- Munaı óńdeý salasyndaǵy jáne basqa da kompanııalar arasyndaǵy tájirıbe almasý, munaı óndirisi kórsetkishterin jaqsartý úshin standartty ári keń taralǵan úderis. Buǵan deıin mınıstrlik habarlaǵandaı, qazir Atyraý munaı óńdeý zaýytynyń úlesin satý máselesi qarastyrylyp jatqan joq, - delingen Energetıka mınıstrligi taratqan aqparatta.
Eske sala ketsek, birer kún buryn QazMunaıGaz Atyraý munaı óńdeý zaýytynyń úlesin jekeshelendirý máselesine qatysty túsinikteme bergen edi.
Odan bólek, naýryzda Atyraý men Pavlodardaǵy munaı óńdeý zaýyttarynyń jekeshelendirilýi múmkin ekendigi jaıly habarlaǵan bolatynbyz.