Atyraý munaı óńdeý zaýytynyń merdiger kompanııasy tekserilip jatyr

ATYRAÝ. KAZINFORM — Atyraý munaı óńdeý zaýytynyń qondyrǵysyn jóndegen merdiger kompanııany tekserý bastaldy.

Kásiporynnyń baspasóz qyzmetiniń málimetinshe, Atyraý munaı óńdeý zaýytynyń qaýipsizdik qyzmeti merdiger kompanııadan zań buzýshylyqty anyqtaǵan. 

— Antıkordyń tekserisi zaýyttyń merdiger kompanııasyna qatysty júrgizilip jatyr. Buǵan deıin AMÓZ-diń qaýipsizdik qyzmeti baıaý koksteý qondyrǵysyna jóndeý júrgizgen merdiger kompanııaǵa qatysty zań buzýshylyqtardy anyqtaǵan edi. Zaýyt soǵan baılanysty 2024 jyldyń 13 jeltoqsanynda sot organdaryna júgindi. Sonymen qatar materıaldardy ekonomıkalyq tergeý departamentine joldady. Zaýyttaǵy keıbir qujat tekserilgenimen, bul tek merdiger kompanııaǵa qatysty tergeý aıasynda ǵana júzege asyryldy. Qazir tergeý amaldary jalǵasyp jatqandyqtan, ózge aqparat jarııalaýǵa jatpaıdy, — dep habarlady zaýyttyń baspasóz qyzmeti.

Baspasóz qyzmeti tekserý qaı kompanııaǵa qatysty ekenin naqtylamady. 

Bul rette Atyraý munaı óńdeý zaýytynyń qondyrǵylary shtatty rejımde jumys istep tur. Óndiristik protseste kidiris joq. 

Eske sala keteıik, budan buryn denesin ótkir zatpen kesken AMÓZ qyzmetkeri aýrýhanaǵa jetkizilgenin jazǵan edik. 

Keıin Atyraý munaı óńdeý zaýytyndaǵy oqıǵaǵa baılanysty qylmystyq is qozǵaldy.