Atyraý munaı óńdeý zaýytynyń mańynda aýa sapasy kúni-túni tekserilip jatyr
ATYRAÝ. KAZINFORM – Atyraýda munaı óńdeý zaýytynyń mańynda aýa sapasyna monıtorıng júrgizý bastaldy. Aýa sapasyn tekserý 7 mamyrǵa deıin jalǵasady.
Atyraý oblystyq ekologııa departamentiniń baspasóz qyzmetinen málim etkendeı, «Atmosferalyq aýany qorǵaý jónindegi respýblıkalyq ǵylymı-zertteý ortalyǵy» JShS mamandary 26 sáýirde monıtorıng júrgizýge kirisken.
– Bul monıtorıng «AMÓZ» JShS-niń sanıtarııalyq-qorǵaý aımaǵynyń naqty shekarasyn belgileý maqsatynda qolǵa alyndy. Zaýyttyń óndiristik alańynyń eseptik sanıtarııalyq-qorǵaý aımaǵynyń shekarasynda, turǵyn úıler ornalasqan aýmaqtan tys 8 baǵyt boıynsha atmosferalyq aýany jáne fızıkalyq faktorlardy zertteý úshin monıtorıngtik jumysy júrgizilip jatyr. Eń negizgi maqsat – qorshaǵan aýadaǵy lastaýshy zattardyń quramyn tabıǵı zerthanalyq zertteýler júrgizý jáne atmosferalyq aýaǵa fızıkalyq áser etý deńgeıin ólsheý arqyly sanıtarııalyq-qorǵaý aımaǵynyń eseptik shekarasynyń ólshemin rastaý, - dep habarlady departamenttiń baspasóz qyzmeti.
Aýa sapasyna monıtorıng jumysy kúndizgi jáne túngi mezgilde júrgiziledi.
Eske sala ketelik, buǵan deıin Atyraý munaı óńdeý zaýytynyń qondyrǵysynan qara tútin býdaqtaǵanyn habarlaǵan bolatynbyz.