Atyraý munaı óńdeý zaýytynyń qondyrǵysynan qara tútin býdaqtady
ATYRAÝ. KAZINFORM – Búgin Atyraý munaı óńdeý zaýytynyń qondyrǵysynan qara tútin býdaqtady. Endi jergilikti ekologtar aýadan synama alǵaly otyr.
Bul týraly áleýmettik jelide vıdeo tarady. Shahardyń aýasyna alańdaǵan turǵyndar túrli pikir qaldyrdy.
Atyraý oblystyq ekologııa departamentiniń baspasóz qyzmetinen málim etkendeı, zaýyttyń katalıtıkalyq krekıng qondyrǵysynda iske qosý-baptaý jumystary júrgizilip jatyr.
«Búgin, 29 qazanda apattyq jaǵdaılardy boldyrmaý úshin iske qosý protsesinde tehnologııalyq gazdy alaý júıesine qysqa merzimdi jaǵý júrgizildi. Oqıǵanyń naqty sebepteri anyqtalady. Atalǵan oqıǵaǵa baılanysty Atyraý oblysy boıynsha ekologııa departamentiniń mamandary atmosferalyq aýadan synama alý jumystaryn júrgizedi. Departament tarapynan qajetti is-sharalar qolǵa alynady», - dep habarlady departamenttiń baspasóz qyzmeti.
Eske sala ketelik, buǵan deıin Atyraý munaı óńdeý óńdeý zaýytynda kómirsýtek gazy aýaǵa jiberilgenin habarlaǵan bolatynbyz.
