Atyraý munaı óńdeý zaýytynyń qondyrǵysynan qara tútin býdaqtady

ATYRAÝ. KAZINFORM — Búgin túsqaıta Atyraý munaı óńdeý zaýytynda qara tútin býdaqtady. 

Atyraý oblystyq ekologııa departamenti baspasóz qyzmetiniń málimetinshe, búgin, 28 sáýirde saǵat 15:30–da K-0251 kompressorynyń jumysy toqtaǵan. 

— Soǵan baılanysty katalıtıkalyq krekıng qondyrǵysynan shıkizat shyǵaryldy. «Sulfrex» suıytylǵan gazdy kúkirtsizdendirý, býten olıgomerızatsııasy jáne krekıng naftasyn selektıvti gıdrlendirý qondyrǵylary ishki aınalymǵa aýystyryldy, — dep habarlady departamenttiń baspasóz qyzmeti. 

Alaý qondyrǵysynda qara tútin býdaqtady. 

— Qazir departament tarapynan jospardan tys tekserý taǵaıyndaý jóninde jumys júrip jatyr. Qabyldanǵan sheshim týraly qosymsha habarlanady, - dep málim etti departamenttiń baspasóz qyzmeti.

Al Atyraý munaı óńdeý zaýytynyń baspasóz qyzmeti atalǵan oqıǵany rastamady, ne joqqa da shyǵarmady.

Eske sala ketelik, buǵan deıin Qýanysh Bıshimov Atyraý munaı óńdeý zaýytynyń bas dırektory bolyp taǵaıyndalǵanyn habarlaǵan edik.