Atyraý munaı óńdeý zaýytynyń burynǵy bas dırektory kóz jumdy

ATYRAÝ. KAZINFORM — Bul aqparatty «QazMunaıGaz» UK» AQ baspasóz qyzmetiniń jetekshisi Erlan Sısenov rastady.

Atyraý munaı óńdeý zaýytynyń burynǵy bas dırektory, «QMG Injınırıng» JShS-niń munaı óńdeý jáne munaı hımııa boıynsha basqarýshy dırektory Murat Dosmuratov búgin kóz jumdy. Atyraý oblystyq densaýlyq saqtaý basqarmasy otbasy músheleriniń ruqsatynsyz eshqandaı aqparat berilmeıtinin habarlady. Al «QazMunaıGaz» UK» AQ baspasóz qyzmetiniń jetekshisi Erlan Sısenov Murat Dosmuratovtyń qaıtys bolǵanyn rastady. 

Aıta keteıik, Murat Dosmuratov 2022-2024 jyldary aralyǵynda Atyraý munaı óńdeý zaýytynyń bas dırektory qyzmetin atqardy. Keıin «QMG Injınırıng» JShS-niń munaı óńdeý jáne munaı hımııa boıynsha basqarýshy dırektory boldy. 

Aıta keteıik, 2023 jyly mamyr aıynda Atyraý qalasynyń № 2 sotynda Atyraý munaı óńdeý zaýytynyń («AMÓZ» JShS) burynǵy bas dırektory D. jáne satyp alý departamentiniń dırektory S.-ǵa qatysty qylmystyq is qaralyp, ekeýi de aqtalyp shyqty. 

Sol jyly qarasha aıynda is oblystyq sottyń qylmystyq ister jónindegi sot alqasynda qaıta qaralyp, Atyraý munaı óńdeý zaýytynyń eks-bas dırektory sot zalynan qamaýǵa alyndy.  Al 2024 jyldyń qarasha aıynda Atyraý soty munaı óńdeý zaýytynyń eks-dırektoryn QR Qylmystyq kodeksiniń 371-babynyń 2-bóligimen kináli dep tanydy. Alaıda atalǵan qujattyń 71-babynyń 1-bóligi negizinde eskirý merziminiń ótýine baılanysty qylmystyq jaýaptylyqtan bosatty. Bıyl qyzmetine salǵyrt qarady dep aıyptalyp, is sotta qaralǵan. Alaıda qylmys quramy bolmaǵandyqtan is qysqartyldy.