Atyraý munaı óńdeý zaýytynyń burynǵy bas dırektory 2 aı úı qamaqta otyrady
ATYRAÝ. KAZINFORM – Atyraý munaı óńdeý zaýytynyń burynǵy bas dırektory Murat Dosmuratovty úı qamaqta otyratyn boldy. Bul týraly Atyraý qalasynyń mamandandyrylǵan tergeý soty qaýly shyǵardy.
Oblystyq sottyń baspasóz qyzmeti usynǵan aqparatqa qaraǵanda, Atyraý qalasynyń mamandandyrylǵan tergeý sotynyń 29 aqpandaǵy qaýlysymen Murat Dosmuratovqa qatysty 10 táýlik merzimge kúzetpen ustaý túrindegi bultartpaý sharasy sanktsııalanǵan.
«Al keshe, 4 naýryzda Atyraý qalasynyń mamandandyrylǵan tergeý sotynyń qaýlysymen M.D. 2 aı merzimge úı qamaqqa jiberildi. Bultartpaý sharasy onyń densaýlyq jaǵdaıyna baılanysty ózgertildi», - dep habarlady sottyń baspasóz qyzmeti.
Eske sala ketelik, Murat Dosmuratov 2022 shildede Atyraý munaı óńdeý zaýytynyń bas dırektory bolyp taǵaıyndalǵan edi.
Ol bul qyzmetti bıylǵy qańtarǵa deıin atqardy. Ony Ǵalymjan Jýsanbaev almastyrǵan bolatyn.
Al aqpanda «QazMunaıGaz» komıssııasy Atyraý munaıyn óńdeý zaýytyn tekserýdi bastap, keıin bas dırektor Ǵalymjan Jýsanbaev pen bas ınjener Ádilet Shoshanbasov qyzmetinen bosatyldy.
Sondaı-aq Atyraý munaı óńdeý zaýyty basshylyǵyna qylmystyq is qozǵaldy.
