Atyraý munaı óńdeý zaýytynyń aýmaǵyndaǵy órt tolyq sóndirildi
ATYRAÝ. KAZINFORM — Oqıǵa ornynda jedel shtab jumys istep, tartylǵan barlyq kúshter men quraldardyń is-qımylyn úılestirý uıymdastyryldy.
Nysannyń ereksheligi eskerile otyryp, TJM kúshteri men quraldary joǵary shaqyrý dárejesi boıynsha oqıǵa ornyna dereý jiberildi.
— Órtti sóndirýge TJM, «Semser órt sóndirýshi», ATMA áýejaıy jáne NCOC kompanııasynyń órt sóndirý-qutqarý qyzmetinen shamamen 65 adam men 19 tehnıka jumyldyryldy. Oqıǵa ornynda jedel shtab jumys istep, tartylǵan barlyq kúshter men quraldardyń is-qımylyn úılestirý uıymdastyryldy, — delingen habarlamada.
Saǵat 13:42–de órt oqshaýlanyp, ottyń odan ári taralýyna jol berilmedi. Qazirgi ýaqytta órt tolyǵymen sóndirildi.
Zardap shekkender joq.
Órttiń shyǵý sebepteri anyqtalýda. Jaǵdaı baqylaýda.
Aıta ketelik Atyraý munaı óńdeý zaýytynyń aýmaǵynan órt shyqqany týraly jazǵan edik.
