Atyraý munaı óńdeý zaýytynyń aýmaǵynan órt shyqty
ATYRAÝ. KAZINFORM — Atyraý munaı óńdeý zaýytynyń aýmaǵynda munaı shlamy tutandy.
«Atyraý munaı óńdeý zaýyty» JShS-niń málimetinshe, oqıǵa búgin saǵat 12:35–te bolǵan. Zaýyttyń jabyq tıptegi mehanıkalyq tazartý qurylystarynyń tundyrǵyshynda munaı shlamy tutanǵan. Oqıǵa kezinde nysanda eshqandaı jumys júrgizilmegen.
Qazirgi ýaqytta órtti oqshaýlaý jáne sóndirý jumystary jalǵasyp jatyr. Aldyn ala málimet boıynsha, zardap shekkender joq.
Zaýyttyń baspasóz qyzmeti kásiporynnyń shtattyq rejımde jumysyn jalǵastyryp jatqanyn habarlady.
Buǵan deıin Reseı munaıy Batys Qazaqstanda óńdelýi múmkin ekenin jazǵan edik.
