Atyraý munaı óńdeý zaýytyndaǵy peshti iske qosý kezinde aqaý shyqty

ATYRAÝ. KAZINFORM — Atyraý munaı óńdeý zaýytynda taǵy bir aqaý shyqty. Bul joly peshti iske qosý kezinde aýa ótkizgishtiń germetıkasy buzylǵany anyqtalǵan.

«Atyraý munaı óńdeý zaýyty» JShS-niń baspasóz qyzmetinen málim etkendeı, oqıǵa 20 qańtarda bolǵan. 

— Zaýyttaǵy LG-35/11-300-95 qondyrǵynyń kerosındi gıdrotazalaý blogyndaǵy P-101 peshin iske qosý aýa ótkizgishtiń germetıkasy buzyldy. Bul oqıǵa óndiristik protseske jáne qorshaǵan ortaǵa áser etken joq. «AMÓZ» JShS óndiristik qaýipsizdik pen jumysshylardyń densaýlyǵyna birinshi kezekte kóńil bóledi. Kompanııa jabdyqtardy paıdalaný men tehnologııalyq protsesterdi júzege asyrýdyń joǵary standarttaryn saqtaýdy jalǵastyrady, — dep málim etti kásiporynnyń baspasóz qyzmetinen.

Qazir munaı óńdeý zaýytynyń qondyrǵylary qalypty rejımde jumys istep tur. Munaı ónimderin óndirý jáne jóneltý Energetıka mınıstrligi bekitken josparǵa sáıkes júzege asyrylyp jatyr.

Eske sala keteıik, budan buryn Atyraý munaı óńdeý zaýytynyń jelisinen janarmaı aqqanyn habarlaǵan bolatynbyz. 

Keıin Atyraý munaı óńdeý zaýytynyń jelisindegi aqaý tolyq joıylǵanyn jazǵan edik.